Праект "Карта госця" - гэта ўнікальны турыстычны сэрвіс, які дазваляе ўсім аматарам падарожжаў і тым, каму цікавая гісторыя Рэспублікі Беларусь, атрымаць унікальную магчымасць аптымальна спланаваць маршруты для азнаямлення са славутасцямі нашай краіны і з максімальнай выгадай для свайго бюджэту.
У праект уключаны лепшыя турыстычна Прывабныя аб'екты, колькасць якіх пастаянна павялічваецца.
Турыстычны праект "Карта госця"(Minsk Card. Cities&Regions of Belarus) рэалізуецца інфармацыйна-рэкламным камунальным унітарным прадпрыемствам "МІНГАРДАВЕДКА" пры падтрымцы Міністэрства спорту і турызму Рэспублікі Беларусь, Міністэрства культуры Рэспублікі Беларусь, інфармацыйна-турыстычнага цэнтра "Мінск" у рамках Дзяржаўнай праграмы "Беларусь гасцінная".
Адна з асноўных задач праекта "Карта госця" - гэта прэзентацыя турыстычнай сферы Рэспублікі Беларусь перад патэнцыяльнымі замежнымі турыстамі, а таксама грамадзянамі нашай краіны ў кантэксце развіцця ўнутранага міжрэгіянальнага турызму.
Карта госця прадастаўляе права аднаразовага наведвання (бясплатна або са зніжкай да 50%, у залежнасці ад фармату карты) уключаных у праграму турыстычна прывабных аб'ектаў-музеяў і экскурсій, мастацкіх галерэй, а таксама заапаркаў і т. п.
Дзеянне карты пачынаецца з моманту наведвання першага з вышэйзгаданых аб'ектаў і заканчваецца згодна з тэрміну, паказаным на карце (24, 48, 72, 120, 168, 240 гадзін або 12 месяцаў).
Таксама Карта госця фарматаў VIP і Люкс ўяўляе сабой электронны праязны, які дае права безлімітнага праезду на аўтобусе, тралейбусе, трамваі, гарадскіх лініях у горадзе Мінску, а таксама права на 10 паездак у метро на працягу тэрміну, названага на карце.
Акрамя таго, Карта госця прадастаўляе права атрымання зніжак ад 5% да 30% і іншых бонусаў у аб'ектах спадарожнага сэрвісу: гатэлях, рэстаранах, кафэ, крамах, аквапарках, аграсядзібах, салонах прыгажосці, пунктах пракату аўтамабіляў і ровараў і інш. Зніжкамі ў аб'ектах гэтага тыпу можна скарыстацца на працягу 3 гадоў з моманту набыцця карты.
У камплект "Карта госця" ўваходзяць пластыкавая смарт-карта і карта-даведнік.
Карту госця можна набыць 2 спосабамі:
1. Аформіць заказ праз сайт www.minskpass.by і атрымаць карту ў абраным пункце продажу, згодна з графікам працы.
2. Набыць Карту госця за наяўны разлік у пунктах продажу ў г.Мінску і рэгіёнах Беларусі.
Актуальны спіс пунктаў продажу прадстаўлены на сайце www.minskpass.by.
У Гарадоцкім раённым краязнаўчым музеі ў рамках праекта "Карта госця" дзейнічае зніжка
у памеры 10% на аглядную экскурсію па экспазіцыях і выставах музея).
